Veseli mori pjesë në ndarjen e 28 shtëpive në Prizren, për festën e 28 Nëntorit

28 nëntor 16:46

Kryetari i Kuvendit të Republikës së Kosovës, Kadri Veseli, së bashku me përfaqësues të organizatës “Jetimët e Ballkanit”, të mërkurën, në kuadër të shënimit të 28 Nëntorit, mori pjesë në ndarjen e 28 shtëpive për 28 familje në nevojë në komunat e Prizrenit, Suharekës dhe Dragashit.

Duke uruar familjet për Festën e Nëntorit dhe për shtëpitë e tyre të reja, kryeparlamentari Veseli ka thënë se solidariteti është virtyt i përcjell brez pas brezi midis shqiptarëve, i cili duhet rritur dhe kultivuar edhe më tej.

Kryetari i Kuvendit ka thënë se sado të forta qofshin institucionet dhe sado e madhe të jetë përkujdesja e shtetit ndaj qytetarëve, gjithherë do të ketë nevojë për mbështetje dhe solidaritet midis njerëzve.

“Ndarja e 28 banesave pikërisht me 28 nëntor, në këtë festë të madhe kombëtare, mëton të përçojë mesazhin e afrimit e të bashkimit më të madh të qytetarëve me njëri-tjetrin. E përgëzoj bamirësin Halil Kastrati dhe shoqatën që ai udhëheq, për punën e vazhdueshme në ndihmë të qytetarëve në nevojë”, ka thënë kryeparlamentari Veseli.

Lajme të sponsorizuara

Të fundit
Tash e sa muaj në Kosovë është rritur ndjeshëm çmimi…