Menjëherë pas zhvillimit të Kongresit të Jashtëzakonshëm të Partisë Socialiste, me një mbledhje të Asamblesë Kombëtare, janë votëbesuar edhe strukturat e reja brenda forcës së majtë politike.

Kështu bëhet me dije përmes një njoftimi, nga zyra e shtypit e PS-së.

Në terma konkretë, në detyrën e Sekretarit të Përgjithshëm është konfirmuar Blendi Klosi, i cili do ta vijojë ushtrimin e funksionit në këtë pozitë.

Ardian Çela do të jetë sekretar organizativ i socialistëve.

Eduart Ndreca nga ana tjetër do të jetë sekretar i burimeve njerëzore.

Sekretare e gruas do të jetë Evis Kushi, teksa Etjen Xhafaj vijon të mbajë rolin e sekretarit digjital dhe të rinisë.

Eridjan Salianji po ashtu konfirmohet në pozitën e sekretarit për çështjet zgjedhore.

Sekretare e programit do të jetë Milva Ekonomi dhe Romina Kuko, do të mbajë pozitën e sekretares për marrëdhëniet me jashtë.