Një baba izraelit bashkë me të birin janë vrarë në një sulm të dyshuar palestinez në Bregun Perëndimor të pushtuar.

Ngjarja ndodhi pranë fshatit Huwara – i cili ka qenë skena e sulmeve të mëparshme vdekjeprurëse.

Të shtënat kanë ndodhur në një auto larje, raporton BBC.

Mësohet se personi i armatosur është afruar në këmbë dhe ka hapur zjarr me pistoletë.

Shërbimi i ambulancës izraelite tha se dy burrat e moshës 28 dhe 60 vjeç u shpallën të vdekur në vendngjarje. Të dy thuhet se kanë qenë civilë nga Ashdod në jug të Izraelit.