Policia e Kosovës përmes një komunikate për media bën të ditur se një 33 vjeçar nga Ferizaj është vrarë, derisa një i dyshuar për këtë rast është arrestuar.

“Lidhur me rastin e raportuar me datë 09.12.2019 , ‘Person i zhdukur’, pas hetimeve intensive hetuesit rajonal kanë arritur që sot rreth orës 19:00 të gjejnë trupin e pajetë të viktimës SH.B.(m/shqiptar ) 33 vjeçar nga Ferizaj”, thuhet në komunikatën e Policisë.

Sipas Policisë trupi i viktimës është gjetur skaj rruge mes fshatit Gadime dhe Kishnapole të Komunës së Gjilanit.

Në vendin e ngjarjes kanë dalë njësitet policore si dhe ekipi mjekësor i mjekësisë ligjore .

Tutje në komunikatë thuhet se pas hetimeve fillestare, hetuesit policor kanë arrestuar një person të dyshuar lidhur me këtë rast dhe ndaj tij, me urdhër të prokurorit është marrë masa e ndalimit prej 48 orësh.

Në vendin e ngjarjes ka dal edhe Prokurori i Shtetit dhe me urdhër të tij trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Janë duke vazhduar hetimet për zbardhjen e rrethanave të rastit.