Vritet një person dhe plagoset një tjetër në Gradicë të Drenasit

05 prill 23:40

Nga të shtënat me armë zjarri është vrarë një i mitur dhe është plagosur rëndë babai i tij sonte rreth orës 20:30, në fshatin Gradicë të Drenasit.

Lajmin për Gazetën Sinjali e ka konfirmuar policia e rajonit të Prishtinës. Nga kjo drejtori i kanë thënë se vrasja dhe plagosja kanë ndodhur në pyllin e këtij fshati.

Njoftimi i policisë:

Rreth orës 20:30 policia ka pranuar informatën për një vrasje në fshatin Gradicë të Drenasit. Menjëherë pas marrjes së informatës të gjitha njësitet e nevojshme policore kanë dalë në vendin e ngjarjes.

Bazuar në të dhënat e deritanishme si dhe veprimeve të para hetimore policia ka ngritur versionin e hetimit se kemi të bëjmë me rast të vrasjes dhe plagosjes me armë zjarri, të ndodhur në një pyll në fshatin e sipërshënuar. Në këtë rast plagë nga arma e zjarrit kanë marrë dy persona (meshkuj).

Njëri nga personat e plagosur nuk ka përballuar plagët dhe ka ndërruar jetë, vdekjen e ka konstatuar ekipi mjekësor në QKMF Drenas, ndërsa i plagosuri i dytë, është dërguar për trajtim mjekësor. Aktualisht hetuesit policorë në koordinim me prokurorinë po vazhdojnë punën hetimore për zbardhjen e plotë të motiveve dhe rrethanave të kësaj ngjarje.

Gazeta Sinjali raportoi se i dyshuari për vrasjen e të miturit dhe për plagosjen e babai të viktimës është një fqinj i tyre, i cili është identifikuar dhe është duke u kërkuar nga policia.

Lajme të sponsorizuara

Të fundit
Kreu i Partisë Demokratiek ka komentuar situatën në Ballkan dhe…