Në Pallatin e Serbisë ka përfunduar takimi i Qeverisë së Serbisë, ku është diskutuar për Kosovën.

Në takim ka marrë pjesë edhe presidenti i Serbisë, Aleksandër Vuçiq.

E pranishme në mbledhje që është mbajtur me ftesë të presidentit dhe kryeministres serbe ishte edhe kryeministrja Ana Bërnabiq dhe të gjithë ministrat në ekzekutivin serb. Në këtë mbledhje është diskutuar për situatën aktuale në Kosovë, raporton “Tanjug”-u.

Ky zhvillim vjen dy ditë pas mbajtjes së zgjedhjeve në katër komunat në veri të Kosovës të cilat janë bojkotuar nga Lista Serbe.