Xhaferi: Hapat e ardhshëm për Ligjin e gjuhëve në pajtim me Kushtetutën dhe Rregulloren

08 mars 22:18

Kryetari i Kuvendit të Maqedonisë, Talat Xhaferi nuk precizon se cilët do të jenë hapat e ardhshëm në lidhje me Ligjin e gjuhëve, por ka deklaruar se do të jenë në pajtim me Kushtetutën dhe Rregulloren e Kuvendit.

“Në lidhje me këtë çështje, kryetari i Kuvendit nuk ka plane A, B, C dhe D, por ai para vete ka Kushtetutën dhe Rregulloren për punën e Kuvendit dhe kjo do të thotë se të gjitha hapat janë rregulluar atje. Kryetari nuk ka asnjë përgjigje, por zbaton Kushtetutën dhe Rregulloren”, ka deklaruar  Xhaferi gjatë vizitës së sotme në Komunën e Tetovës.

Ndërsa kryetarja e Tetovës Teuta Arifi, ka thënë se nuk ka asnjë problem dhe pengesë që ligji edhe një herë të votohet si në të kaluarën. Sipas saj, nuk ka nevojë për konsenzus të zgjeruar.

Ajo tha se nuk ka krizë në koalicionin qeveritar, ndërsa sa i përket mbledhjeve dhe bashkëpunimit ndërpartiak, ajo tha se BDI-ja çdo herë ka qenë e hapur për këtë./Telegrafi/

Lajme të sponsorizuara

Të fundit
Njëri nga Drejtorët e Komunës së Prishtinës nën udhëheqjen e…