Zvicra e ka nisur në mënyrën më të mirë të mundshme ciklin e kualifikimeve për Kampionatin Evropian të vitit 2024. “Helvetikët” në dy ndeshjet e para kanë fituar, ndërsa nuk kanë pësuar asnjë gol.

Zvicra fillimisht e mposhti Bjellorusinë me rezultat 5-0 e më pas edhe Izraelin me 3-0. I kënaqur me këto rezultate është shprehur edhe kapiteni i Zvicrës, Granit Xhaka.

“Patëm një paraqitje dominuese, sidomos në pjesën e dytë. Gjashtë pikë nga dy ndeshje, asnjë gol i pësuar. Kjo është gjithçka që mund të bënim. Nuk është gjithmonë e lehtë kur je favorit në grup, por ne jemi gati për sfidë”, ka thënë Xhaka. Zvicra gjendet në Grupin I bashkë me Kosovën, Rumaninë, Izraelin, Bjellorusinë dhe Andorrën.