‘Zajednica’ kalon, kryeministri po mashtron!

02 shkurt 2023 | 14:57

Shkruan: Hisen Berisha

I nderuar kryeministër!

Në pozitën e kryeqeveritarit keni ardhur me parullën kryesore “Zajednica” nuk kalon!

Për aq sa na keni informuar përmes qëndrimeve në Parlament e media, u duk se ju jeni ende duke i qëndruar besnik kësaj parulle.

Unë si ish-pjesëtar i UÇK-së, si luftëtarë e komandant, nuk kam pasur asnjë ngjyrim partiak në luftë kundër forcave serbe, edhe tash të siguroj se nuk do të kam ngjyrim partiak kur vije në pyetje çështja e mbrojtjes së sovranitetit politik e integritetit territorial të Kosovës.

Me parullën “Zajednica nuk kalon” unë do të isha përkrahës i juaji në këtë rast që me të vërtetë të mos kaloj.

Por, unë po e shoh se kryeministri po heqë dorë nga kjo kauzë, ashtu siç ke hequr deri tani nga të gjitha kauzat.

Kryeministri, duke marrë parasysh ato çfarë deklaroi sot, në foltore, në seancën 093, të Kuvendit të Republikë së Kosovës, me retorikën e  zakonshme dha shenja se po provon ta përgatisë opinionin se e ke pranuar/nënshkruar “Zajednicën”, duke u munduar ta ambalazhojë arsyeshmërinë e mashtrimit të tij me “marrëveshjen e parimeve 2013 dhe vlerësimin e Gjykatës Kushtetuese për marrëveshjen për implementim të vitit 2015, për vetëm 4 kushtet e tija dhe 2 kushte të huazuara nga vendimi i gjykatës, duke i abstrahuar edhe 20 gjetje tjera meqë aty janë 22 të tilla”.

Por, cila është taktika e mashtruesit për ta përsosur retorikën mashtruese, t’iu flas qytetarëve për atë që mesë shumti i mundon dhe t’iu flas pikërisht me atë gjuhë që e presin.

Një nder taktizimet është edhe tendenca për t’iu referuar si e dëmshme |Marrëveshjes së parimeve të 2013”, por duke e shmangur ti referohet “Marrëveshjes për implementim të vitit 2015”, e cila i dërgon nëpër filtrin e Gjykatës Kushtetuese (si interpretuesja dhe mbrojtësja e kushtetutshmërisë së vendimeve politike), edhe të “marrëveshjes për Asociacionin” edhe “Statutin”.

Por, unë po ia dëshmojë kryeministrit se po mashtron, po i sjellë zotimet e ndërmjetësve ndërkombëtarë që do ndërmerren nëse Kosova e implenenton asociacionin me vërejtjet e Gjykatës Kushtetuese, e po i prezanton si  kushtëzime të tijat, që ai gjoja po i bënë ndaj partnerëve ndërmjetës ndërkombëtar.

Ky është një informacion i cili më është transmetuar me këshillën, në origjinal nga mesazhi, “Janë informacione të brendshme – kujdes veç mënyra qysh i prezanton, pa përmend nga janë marrë”.

Ky informacion tregon se mashtruesi Albin Kurti, zotimet e diplomatëve ndërkombëtarë, po i prezanton si kushte se gjoja ky ua paska vënë ndërmjetësve ndërkombëtarë.

Këto zotime janë, në origjinal nga mesazhi:

“1. Që të shuhen komplet strukturat paralele dhe çarmatosen

2. Që të kthehen serbët e larguar nga puna, policë, prokurorë e gjykatës

3. Që Serbia t’i sjell para drejtësisë kriminelët e luftës në Kosovë”.

4.  Që t’i sjell të dhënat se ku janë trupat e shqiptarëve që ende janë të zhdukur nga lufta në Kosovë.

Këtyre ua ka shtuar edhe plus dy kushte apo vërejtje që i ka bërë Gjykata Kushtetuese, ndaj marrëveshjes së viti 2015, 22 sish.

Po ashtu, dua ta bëj të ditur se edhe tri marrëveshjet antikushtetuese, ajo për Udhëzuesin për implementimin e marrëveshjes për energjinë, për lëvizjen e lirë dhe targat, janë arritur në frymën e plani franko -gjerman, siç edhe “Zajednica” me statutin sipas FES-it që është Kushtetuta e rajonit të Serbisë në Republikën e Kosovës.

Kjo dëshmon se ky kryeministër ka ardhur në qeverisje me këto objektiva. Pra, falimentimin politik të shtetit, ashtu siç po e fundosë ekonomikisht.

Duke pasur parasysh se, pjesa ma e madhe e burrave që luftuan me pushkë kundër Millosheviqit, kanë tashmë një përvojë politike mbi 20-vjeçare qeverisëse në Kosovë,  u bëjë thirrje që ta alarmojnë botën demokratike për agresionin e ri serb, përmes këtij plani edhe njëkohësisht të përgatiten për ta ndalë këtë rikolonializim, me të gjitha format e mjetet në dispozicion.

Lajme të sponsorizuara

Të fundit
Kolegji i Kirurgëve të Kosovës në bashkëpunim me Komitetin e…