Në Ambulantën e Mjekësisë Familjare në Bec, ish-kryetari i Aleancës, Ramush Haradinaj ka zbuluar pllakën përkujtimore të Rexhep Tafës, mjekut që sakrifikoi gjithçka për lirinë.

Përmes një postimi në “Facebook”, Haradinaj ka thënë  se Rexhep Tafa, së bashku me Bekim Tafën, sot invalid i luftës, sakrifikoi gjithçka për t’u dalë në ndihmë të plagosurve.

“Sot, në nderim të veprës dhe sakrificës së tij, vendosëm pllakën përkujtimore në Ambulantën e Mjekësisë Familjare në Bec, si shenjë respekti dhe mirënjohjeje për kontributin e çmuar të Dr. Rexhep Tafës në kohët më të rënda për vendin. Gjithmonë krenar me rrugëtimin tonë për liri. Lavdi veprës dhe kujtimit të Dr. Rexhep Tafës!”, ka shkruar Haradinaj.