Zemaj: Peja është në prioritetin tim, do t’i ofrohet ndihma logjistike për shëndetësinë

Ministri i Shëndetësisë, Armend Zemaj, sot ka vizituar Pejën dhe spitalin rajonal të kësaj komune. Ai u takua me kryetarin Gazmend Muhaxherin, me të cilin diskutoi për rreziqet nga koronavirusi.

“Shpalosëm pikëpamjet se si të zvogëlohet sa më shumë ky rrezik që po kanos shëndetin e qytetarëve, sikurse për projektet që do të realizojmë në të ardhmen. U dakorduam që shtabi emergjent të vazhdojë të jetë në gatishmëri, të decentralizohen shërbimet shëndetësore (e të mos jenë vetëm në nivel qendror), sikurse inspektorati të jetë aktiv maksimalisht që të ndikohet e të respektohen rregullat anti-Covid-19”.

Përveç bashkëpunëtorëve të tij, Zemaj u shoqërua edhe nga Naser Ramadani, drejtori i IKSHP-së dhe nga deputeti Shkumbin Gashi.

“Konfirmova se Peja do të jetë në prioritetin e angazhimit tim, dhe do të mbështetën disa projekte të caktuara, e do të ofrohen ndihma logjistike për shëndetësinë në këtë komunë”.

“Në Spitalit e Përgjithshëm të Pejës pata një vizitë njohëse ku takova stafin menaxherial dhe matelbardhët e angazhuar në misionin e tyre të shenjtë për të shpëtuar jetët e njerëzve dhe shëruar pacientët. Biseduam për shqetësimet aktuale që ka shkaktuar pandemia, rreth infrastrukturës së spitalit, ofrimit të shërbimeve shëndetësore që u ofrohen qytetarëve jo vetëm të komunës së Pejës, por tërë Rrafshit të Dukagjinit (Istogut, Klinës, Deçanit, Junikut), edhe banorëve të brezit kufitar të Malit te Zi dhe Komunave veriore të Shqipërisë”.

“Përshpejtimi i inicimit të specializimeve të reja të mjekëve, ishte njëra ndër kërkesat që u shtrua gjatë bisedës, meqë rast sqarova se këto ditë po angazhohem në përgatitjet e procedurave që kjo të konkretizohet pa vonesa. Vizitova edhe Klinikën Emergjente dhe Infektive.
Sigurova gatishmërinë time për bashkëpunim të afërt me stafin mjekësor dhe menaxherial të spitalit dhe se do të marr në konsideratë të gjitha shqetësimet dhe sugjerimet që adresohen. Me këtë rast u bë dhe pranim-dorëzimi i modelit të ri të autoambulancës me të gjitha pajisjet përkatëse, që është donacion nga pjesa e asistencës së BE-së për përgjigje ndaj Covid-19, e cila do të jetë në shërbim të pacientëve”.

Zemaj: Peja është në prioritetin tim, do t’i ofrohet ndihma logjistike për shëndetësinë

Lajme të sponsorizuara

Të Fundit

25 prill11:48

Ndalohet një person i dyshuar për veprën penale “Sulmi seksual”

25 prill10:20

Arrestohet Fitim Doda, i dyshuari për tentim vrasjen në Kolovicë të Prishtinës

25 prill09:51

Ndërron jetë veterani i arsimit prof. Sahit Sahitaj

24 prill23:35

Konflikti për hakmarrje që përfundoi tragjikisht në Pejë: I ndjeri dhe i dyshuari kanë pasur rast të hapur edhe në Shqipëri

24 prill22:34

Arrestohet personi që shkaktoi dy aksidente dhe sulmoi fizikisht vozitëset në Prishtinë

24 prill16:05

Deputeti Shabani bashkëbisedoi me nxënës të shkollave fillore “Shaban Shala” dhe “Enver Maloku” të Podujevës

ALI AHMETI URIME FITORJA

STRATEGU I PAQES, ALI AHMETI