Zhvillimet për Specialen, Ramush Haradinaj mbledh kryesinë e AAK-së

23 dhjetor 13:17

Për pak minuta pritet të mbledhet kryesia e AAK-së. Kjo mbledhje e lajmëruar në momentet e fundit për media, do të mbahet një orë para mbledhjes së jashtëzakonshme të Qeverisë Haradinaj e cila pritët të mbahet nga ora 14:00, pas ngjarjeve të orëve të vona të natës së kaluar për shfuqizimin e Gjykatës Speciale.

Lajmin për mbledhjen e AAK-së e kanë lajmëruar zyrtarë për media të partisë, pa treguar se për çka do të mblidhet partia.

Mbledhja mbahet në Hotel Swiss Diamond, Prishtinë.

Kujtojmë që natën e së premtes pati zhvillime dramatike në Kuvendin e Kosovës, ku qëndruan edhe ambasadorët e Quinit, me theks të veçantë këtu ishin porositë e ambasadorit amerikan si dhe atij briantik.

Misionet diplomatike e kanë thënë pa ngurrim që një lëvizje e tillë për shfuqizimin e Speciales është tejet e rrezikshme për të ardhmen e Kosovës, përderisa gjatë ditës së sotme disa deputetë të pozitës kanë thënë se nuk kanë qenë të vetëdijshëm se çka janë duke nënshkruar.

Lajme të sponsorizuara

Të fundit
Një grua nga Prizreni rrëfeu në “Drejtësia në Kosovë” se…