Zvicra e uron Kosovën për 11 vjetorin e Pavarësisë

16 shkurt 2019 | 18:31

Presidenti i Konfederatës së Zvicrës, Ueli Maurer, e ka uruar presidentin e Kosovës Hashim Thaçi dhe popullin e Kosovës për 11 vjetorin e Pavarësisë.

Në urimin e tij, presidenti i Konfederatës së Zvicrës shkruan se, “në emër të Këshillit Federal Zviceran dhe popullit të Zvicrës, kam kënaqësinë e madhe të ju përcjellë Juve dhe qytetarëve të vendit tuaj urimet tona më të mira për ditën tuaj të Pavarësisë”.

Kjo është letra e plotë e Presidentit të Konfederatës së Zvicrës, Ueli Maurer, dërguar presidentit Thaçi:

Shkëlqesia e Tij

Z. Hashim Thaçi

President i Republikës së Kosovës

Prishtinë

Në emër të Këshillit Federal Zviceran dhe popullit të Zvicrës, kam kënaqësinë e madhe të ju përcjellë juve dhe qytetarëve të vendit tuaj urimet tona më të mira për ditën tuaj të Pavarësisë. Gjithashtu, po e shfrytëzoj këtë mundësi për t’i dëshiruar vendit dhe banorëve tuaj një të ardhme të ndritshme dhe premtuese.

Zvicra është e përkushtuar të ruaj marrëdhëniet e forta me Republikën e Kosovës dhe shpresojmë ta promovojmë bashkëpunimin në marrëveshje reciproke.

Ju lutem pranoni, shkëlqesia juaj, garancitë e konsideratës sime më të lartë.

Lajme të sponsorizuara

Të fundit
Në klinikën për Anestezion, Reanimacion dhe Kurim intenziv në Shkup,…