Zvogëlohet prodhimi i makinave, kjo është arsyeja

19 janar 2021 | 15:28

“Audi” do të ngadalësojë prodhimin e makinave për shkak të mungesës së çipave kompjuterikë dhe duket se do të shkaktohet një krizë.

Drejtuesi i kompanisë, “Markus Duesmann”, ka deklaruar se në tremujorin e parë të vitit do të prodhohen 10 mijë makina më pak. Nga ana tjetër dhe kompania “Volkswagen”, njoftoi ngadalësimin e prodhimit të makinave, njësoj si rivalët e tyre, “Honda”.

Kriza ka nisur që nga fillimi i vitit 2020 për shkak se fabrikat në Kinë nuk kanë prodhuar çipa në sasitë e duhur. Analisti i CCS Insight Geoff Blaber tha se “çipat kane një gamë të gjerë, por janë një grup i kufizuar i kompanive që mund t’i prodhojnë ato”.

Drejtuesit e kompanive të makinave shtojnë më tej kompanitë kanë shtuar kërkesat e tyre për çipat, por kompanitë prodhuese nuk kanë shtuar kapacitetet e tyre. Ky problem mund të shkaktojë një krizë në industrinë e prodhimit të makinave.

Bëhet më dije se mungesa e çipave do të frenojë prodhimin dhe tek kompanitë Mercedes, Fiat, Ford, Honda, Nissan, Subaru dhe Toyota./tvklan.al/

Lajme të sponsorizuara

Të fundit
Instituti Kombëtar i Shëndetësisë Publike të Kosovës (IKShPK) ka njoftuar…