Ka dështuar të mbahet shqyrtimi gjyqësor ndaj ish-zyrtares së Bashkimit Evropian (BE), Albina Nura, e cila akuzohet për korrupsion.

Dëshmimi i kësaj seance ka ndodhur pasi Zyra e BE-së në Kosovë ka kërkuar përjashtimin e kryetarit të trupit gjykues.

Me këtë rast, gjykatësi Vesel Ismaili, i cili është kryetar i trupit gjykues, ka thënë se është njoftuar nga kryetarja e gjykatës, Albina Shabani-Rama se zyra e BE-së ka kërkuar përjashtimin e tij nga gjykimi i këtij rasti.

“Andaj neve na duhet me prit derisa ta shqyrton kryetarja dhe të vendosë lidhur me këtë kërkesë”, ka thënë gjykatësi Ismaili, raporton “Betimi për Drejtësi”.

Gjykatësi ka thënë se në çdo seancë pasi ka paraqitur përbërjen e trupit gjykues e ka pyetur avokatin nëse ka vërejtje apo kërkon përjashtimin e tij apo trupit gjykues.

Edhe përfaqësuesit të palës së dëmtuar të BE-së, avokatit Letorim Syla ka deklaruar se tek sot është njoftuar me kërkesën e Zyrës së Bashkimit Evropian në Kosovë.

“Jashtë procesit edhe unë sot në mëngjes jam njoftuar”, ka thënë avokati Syla.

Aktakuza ndaj Nurës ishte ngritur me 18 maj 2021, në të cilën është thënë se ajo i kishte shkaktuar dëm buxhetit të BE-së 500 mijë euro, me çka ka kryer veprën penale të “keqpërdorimi i pozitës apo autoritetit zyrtar” dhe “konflikt i interesit”.