Një zyrtar i Policisë së Kosovës në rrethana ende të pasqaruara ka vrarë një person në fshatin Gushticë e Poshtme të Gracaniçë, komunë kjo në periferi të Prishtinës.

Rastin e vrasjes me armë zjarri e ka konfirmuar Policia e Kosovës.

“Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të cilat kanë hasë në një person pa shenja jete. Vdekjen e viktimës (mashkull) e ka konstatuar ekipi mjekësor në vendngjarje”, thuhet në njoftimin e Policisë së Kosovës.

Policia po ashtu ka konfirmuar se polici i dyshuar për vrasjen është arrestuar dhe se ndaj kanë filluar hetimet nga hetuesit policorë si dhe Inspektorati Policor i Kosovës.