Parlamenti në Turqi ka zgjedhur të dielën ligjvënësin e Partisë për Drejtësi dhe Zhvillim (AK), Mustafa Shentop (Şentop), kryetar të ri të parlamentit.

Shentop, një ligjvënës nga provincat veri-perëndimore të Tekirdag dhe me prejardhje nga një familje shqiptare, mori 336 vota në raundin e tretë të votimit nga Asambleja e Madhe Kombëtare me 600 vende.

Ky votim në Parlamentin e Turqisë u mbajt për shkak se kryeparlamentari Binali Yıldırım, i cili po kandidon për kryebashkiak të Stambollit, ka dhënë dorëheqjen nga detyra përpara zgjedhjeve lokale që do të mbahen më 31 mars.