Një delegacion francezo-gjermanë do ta vizitojë nesër ( e hënë) Republikën e Kosovës. Në përbërje të këtij delegacioni ka vetëm zyrtarë përgjegjës për rajonin tonë në ministritë e jashtme të Francës dhe Gjermanisë.

Gjatë kësaj vizite, ata do të diskutojnë me udhëheqësit shtetërorë për Samitin e Parisit, i cili do të mbahet më 1 korrik.

Delegacioni francezo-gjerman së pari do të takohen me presidentin Hashim Thaçi. Ky takim mësohet se do të ndodhë në mëngjes dhe do të jetë takimi i parë i tyre, duke vazhduar më pas me kryeparlamentarin Kadri Veseli, kryeministrin Ramush Haradinaj dhe ekipin për dialog.

Nuk dihet nëse delegacioni francezo-gjermanë do të takohen edhe me liderët opozitarë.

Për dallim nga Samiti i Berlinit, i cili për shkak të organizimit të shpejtë dhe pa rezultate, përveçse ka nxjerr edhe një takim të dytë në Paris, si duket kësaj radhe Franca dhe Gjermania janë duke u munduar të marrin garanci nga udhëheqësit shtetërorë se do të lëvizet përpara drejt zhbllokimit të dialogut në Samitin e Parisit dhe arritjes së një marrëveshjeje ndërmjet Kosovës dhe Serbisë.

Delegacioni francez mësohet se përbëhet nga Alexandre Adam, zëvendëskëshilltar në kuadër të Presidencës së Francës, Thomas Bertin, shef i misionit për Ballkan në kuadër të Ministrisë së Jashtme të Francës, si dhe nga ambasadori Didier Chabert dhe Carole Blestel-Feffer. Kurse, delegacioni gjerman përbëhet nga Matthias Lüttenberg, shef i divizionit për marrëdhënie bilaterale për Lindjen e Mesme dhe Evropën Jugore, Christian Hellbach, i dërguar special për Evropën Juglindore dhe Turqinë pranë Ministrisë së Jashtme të Gjermanisë, si dhe nga ambasadori gjerman, Christian Heldt.