Presidenti Hashim Thaçi ka ngritur një dolli për ish-presidentin amerikan Bill Clinton dhe ish-sekretaren amerikane të shtetit Madeleine Albright, në darkën që është shtruar për nder të tyre.

“Një dolli për miqtë e mëdhenj të popullit tonë, miqtë e Republikës së Kosovës, për presidentin Clinton, sekretaren Albright dhe miqtë tjerë në këtë darkë të përbashkët. Qofshi përjetë të bekuar!”, ka shkruar Thaçi në llogarinë e vet në “Facebook”.

Në këtë darkë ishin të pranishëm edhe kryeministri Ramush Haradinaj, ish-presidentja e vendit Atifete Jahjaga, ambasadori amerikan Philip Kosnett dhe ambasadorë të vendeve të tjera në Kosovë, ministra si dhe përfaqësues të tjerë të institucioneve të Kosovës.