Komuna e Obiliqit në bashkëpunim me Korporatën Energjetike të Kosovës (KEK), ka filluar procesi i rrënimit të objekteve të vetmisë, të cilat gjenden në qendër të qytetit të kësaj komune.

Për të parë nga afër këtë proces ishte i pranishëm kryetari i Obiliqit, Xhafer Gashi, i cili ka falënderuar KEK-un për ofrimin e makinerive të rënda për rrënimin e këtyre objekteve, raporton “Epoka e re”.

“Këto objekte të vjetruara dhe të demoluara, nuk kanë plotësuar kushtet për jetës. Në këtë formë ne si komunë, kemi marrë vendim për rrënimin e tyre. Obiliqi prej tani frymon ndryshe! Kjo pjesë po hap rrugë për investime të reja, në ndërtimin e sheshit ‘Adem Preniqi’. Obiliqi po merr pamje të re, për të cilën secili qytetarë ka ëndërruar. Obiliqi po ndryshon”, është shprehur Gashi.