E dëgjoj një zë më thërret qëmoti
Qëmoti drejt meje hap udhën e luleve
Më vjen rrotull buzëve të ngujuara
Nuk e di c’farë të them unë e ndryrë.

Është zëri i një kënge për dasmorë
Një kryekrushk i dehur më vjen vërdallë
Kërkon nusen e humbur në përrallë.

Përralla e nuses ka një nur në ballë
Nuk i falet drita dehurisë së marrë
Nëse është dehuri dashurie shpirti
Duhet puthur dritën,sytë për t’ia fal.

Valbona R. Hadri
13.11.2020