Përfaqësuesit e Klubit të Prodhuesve të Kosovës, kanë pritur sot në një takim pune delegacionin nga Lidhja Demokratike e Kosovës, të përfaqësuar nga Hykmete Bajrami, Besian Mustafa, Fatlume Jaha dhe Fisnik Osmani.

“Qëllimi i takimit ishte diskutimi mbi gjendjen e sektorit të prodhimit gjatë pandemisë Covid-19, por edhe për bashkëpunimin e mundshëm dhe përkrahjen e iniciativave të cilat kanë synim fuqizimin e këtij sektori”, është thënë në njoftimin e Klubit të Prodhuesve të Kosovës.

Kryetari i Klubit të Prodhuesve Berat Mustafa, shprehi gatishmërinë që Klubi i Prodhuesve të vazhdoj të jetë bashkëpunues me të gjitha grupet parlamentare. Por, edhe diskutoi më hollësisht për kërkesat konkrete që kanë prodhuesit, për problemet dhe sfidat dhe tejkalimin e tyre. “Përfaqësuesit e LDK-së thanë që si parti e djathtë do të vazhdojnë të jenë pro biznesit dhe t’ju qëndrojnë afër të gjithë prodhuesve, si dhe të bashkëpunojnë për kërkesat”, është thënë në njoftim.