Shefi i diplomacisë evropiane Josep Borrell, do t’i informojë ministrat e jashtëm të BE-së për raundin e fundit të dialogut Kosovë-Serbi, i cili u mbajt më 15 qershor në Bruksel.

Pos dialogut në këtë takim do të flitet edhe për marrëdhëniet me Turqinë dhe Rusinë, situatën në Liban, procesin e paqes në Lindjen e Mesme dhe takimin e fundit brenda marrëveshja bërthamore iraniane.

Çështjet kryesore me të cilat do të merren ministrat e jashtëm të BE-së në takimin në Luksemburg do të jenë Iraku, Amerika Latine dhe Bjellorusia, transmeton “KlanKosova”.

Kryeministri i Kosovës, Albin Kurti dhe presidenti serb, Aleksandar Vuçiq pritet të takohen sërish me datë 25 korrik në kuadër të procesit të dialogut.