Sevilla përballet me Romën në finalen e Ligës së Evropës, e cila zhvillohet të mërkurën nga ora 21:00.

Futbollisti më shumë përvojë i Sevillas, Jesus Navas, në një intervistë për “UEFA.com”, ka folur për këtë finale, duke thënë se mezi e pret përballjen me Romën që është një kundërshtar i vështirë për t’u mundur.

“Mezi pres, pasi është një tjetër mundësi e madhe. Ne do të përballemi me një kundërshtar shumë të vështirë dhe do të jetë një ndeshje e vështirë. Shpresoj të fitojmë finalen. Liga e Evropës është një kompeticion që na ka dhënë shumë dhe kënaqësia që ndjejmë ndeshje pas ndeshjeje na shtyn të shkojmë sa më larg”, ka thënë Navas.