“Ushtria Çlirimtare e Kosovë është guerilja më e suksesshme në botë”.

“UÇK ishte projekti më i madh i shqiptarëve”.

Këto janë dy vlerësime, nga ish-komandanti i NATO-s gjatë bombardimeve kundër caqeve serbe më 1999, gjenerali Wesley Clark, dhe ish-kryeministri Tony Blair, prej vlerësimeve të shumta që i janë bërë UÇK-së si dhe suksesit të saj në luftë kundër forcave policore dhe ushtarake të Serbisë në Kosovë.

Videoja që po e publikojmë tani, në fakt është një tregues i fuqishëm se prej nga buronte dëshira e flaktë, forca dhe angazhimi këmbëgulës i luftëtarëve të saj në përpjekjen përkushtuese për lirinë e Kosovë.

Duke e gjetur mbështetjen në radhë të parë te prindërit dhe familjet e tyre, luftëtarët e Ushtrisë Çlirimtare të Kosovës gjetën mbështetje te patriotët e vërtetë anekënd trojeve shqiptare si dhe në mërgim. Ndërsa Shqipëria u bë baza kryesore e UÇK-së dhe e luftës së Kosovës.

Prijësit politikë dhe ish-pjesëtarët e saj që po përballen me gjyqin politik në Hagë do ta fitojnë edhe këtë betejë dhe do t‘i kthehen vendit si fitimtarë.