Avokati Tomë Gashi e ka pranuar zyrtarisht kërkesën e familjarëve të Lulzim Fejzullahut për ta përfaqësuar lëndën e vrasjes së 18-vjeçarit.

Kërkesa, avokatit Gashi i është bërë të hënën nga Rrahim Fejzullahu, xhaxhai i 18-vjeçarit.

Gashi ka bërë me dije se të martën e ka marrë përsipër përfaqësimin e familjes në këtë lëndë.

Ai ka njoftuar se ka dorëzuar autorizimin e tij në prokurori, gjykatë dhe IPK si dhe ka kërkuar përgjigje nga këto institucione lidhur me shkresat e lëndës.

“Ne cilësi te avokatit-përfaqësuesit juridik te Rrahim Fejzullahut – axha i të ndjerit Lulzim Fejzullahu, sot kam dorëzuar autorizimin në prokurori, gjykatë dhe IPK. Tani, po presim përgjigje nga këto institucione”, ka shkruar Gashi në “Facebook”.