Kandidati i Bashkimit Demokratik për Integrim (BDI) për president në Maqedoni të Veriut,  Bujar Osmani ka njoftuar se i ka ftuar për Iftar të gjithë kandidatët e tjerë.

Ai ka thënë se pret të bashkëbisedojnë dhe të dakordohen për një fushatë pozitive.

“Në ditën kur presim konfirmimin e kandidaturave tona për postin e presidentit të Republikë së Maqedonisë së Veriut, i ftoj kandidatët Stevo Pendarovski, Gordana Siljanovska-Davkova, Arben Taravari dhe Maksim Dimitrievski në iftar të përbashkët që nën frymën e këtij muaji të shenjtë të bashkëbisedojmë dhe dakordohemi për një fushatë pozitive, konstruktive dhe për një garë idesh për një president evropian”, ka shkruar Osmani në “Facebook”.