Ardian Ismajli mbetet një emër fiks në tregun e transferimeve në Serie A, me mediat italiane që përpiqen të zbulojnë të ardhmen e qendërmbrojtësit kuqezi. Il Mattino shkruan se Ismajli është gjithnjë e më pranë Napolit, por ndryshe nga se flitej jo në janar, por në fund të këtij sezoni.

Manna, Drejtori Sportiv i Napolit, ka biseduar personalisht me Ismajlin duke marrë pëlqimin e këtij të fundit. Nga ana tjetër, presidenti i Napolit, Aurelio De Laurentiis ka një marrëdhënie të shkëlqyer me Corsi-n, presidentin e Empolit.

Palët me sa duket kanë gjetur një kompromis në distancë për të mos e marrë Ismajlin që në janar, në mënyrë që Empoli të ketë më shumë shanse për të mbijetuar në Serie A. Kjo marrëveshje i shkon përshtat edhe De Laurentiis pasi në fund të sezonit do ta marrte falas Ismajlin, ashtu siç bëri vite më parë me Hysajn.