Komandanti i Forcës së Sigurisë së Kosovës, gjenerallejtënant Bashkim Jashari, ka pritur në takim zyrtar Carol Whitmore, shefe e përgjithshme të Organizatës së Veteranëve Luftëtarë të ShBA-së dhe zRyan Galluci, drejtor ekzekutiv i Zyrës në Uashington.

Gjatë takimit është diskutuar për bashkëpunimin e shkëlqyer ndërmjet FSK-së dhe Ushtrisë Amerikane, në veçanti me Gardën Kombëtare të Ajovas, ku është vlerësuar marrëdhëniet me aleatët dhe partnerët, si dhe mbështetja amerikane në ngritjen e aftësive dhe kapaciteteve të FSK-së, përfshirë ndërveprueshmërinë me partnerët e saj.

Gjithashtu, Jashari ka vlerësuar lartë rolin e kësaj organizate në mbështetje të pjesëtarëve forcave të armatosura amerikane, si dhe ka shprehur mirënjohjen për përkushtimin e shtëpisë së veteranëve në trajtimin, kujdesin dhe respektin që ky institucion ofron për veteranët luftëtarë të ShBA-së, që kanë shërbyer nëpër konflikte të ndryshme nëpër botë, posaçërisht ata në Kosovë.

Në fund të takimit, të dyja palët janë pajtuar për thellimin e bashkëpunimit, njëherit është vlerësuar gatishmëria e kësaj organizate në mbështetjen e FSK-së për këtë fushë.