Anglia mposhti Francën 6:4 në një ndeshje spektakolare për vendin e tretë në Kupën e Botës në Miami dhe fitoi medaljen e bronztë.

Anglia udhëhiqte 4:0 në pjesën e parë, por Franca u rikthye në disa momente kur rezultati ishte 4:3, shkruan Index.hr, transmeton klankosova.tv.

Heroi i ndeshjes ishte Bukayo Saka i cili shënoi tre gola për anglezët. Përveç tij, shënuan edhe Declan Rice, Jude Bellingham dhe Konsa. Për francezët, Kylian Mbappe shënoi dy gola dhe u bë golashënuesi më i mirë në historinë e Kupës së Botës. Ai gjithashtu asistoi Bradley Barcola, teksa gol gjeti edhe Ousmane Dembele.

Një koment nga Adrien Rabiot pas ndeshjes tërhoqi shumë vëmendje. Pas paraqitjes së tij të 66-të për ekipin kombëtar, mesfushori francez me përvojë i sulmoi ashpër dhe publikisht shokët e tij të ekipit për një pjesë të parë katastrofike: “Sot pashë sjellje që nuk e kam parë kurrë më parë. Për një ndeshje si kjo, është e papranueshme”, tha Rabiot për BeIN Sports.