Manchester City nuk është i shqetësuar për të ardhmen e mesfushorit spanjoll Rodri, pavarësisht interesimit të mundshëm nga Real Madridi.

Sipas gazetës “AS”, kampionët anglezë kanë mohuar se kanë pranuar ndonjë ofertë nga gjiganti spanjoll për 30-vjeçarin, të cilin e konsiderojnë pjesë integrale të skuadrës.

Në “Etihad” besojnë se interesimi i Real Madridit është shtuar pas paraqitjeve të shkëlqyera të Rodrit në Kupën e Botës 2026, ku ai u shpall lojtari më i mirë i turneut.

Manchester City synon të zgjasë kontratën e mesfushorit, e cila skadon vitin e ardhshëm. Megjithatë, Real Madridi pritet të tentojë transferimin e tij gjatë këtij afati kalimtar veror.

Raportimet e fundit sugjerojnë se “Los Blancos” kanë ndryshuar qëndrimin e tyre ndaj Rodrit dhe janë të gatshëm të bëjnë përpjekje të mëdha për ta transferuar në “Santiago Bernabéu”.

Vetë Rodri thuhet se e sheh një kalim te Real Madridi si hapin e radhës në karrierën e tij, duke e bërë të ardhmen e tij një nga çështjet më interesante të këtij afati kalimtar.