Mërgimtarët në pritje të gjata në pikën kufitare Mali i Zi-Kroaci, vendasit po u japin ujë dhe po i lejojnë t’i përdorin tualetet e shtëpive të tyre
Qindra mërgimtarë që po udhëtojnë drejt Kosovës janë përballur me pritje që kanë zgjatur deri në 10 orë në pikën kufitare mes Malit të Zi dhe Kroacisë, ndërsa portali kroat Index.hr raporton se pritja, sipas informacioneve jozyrtare, thuhet se arrin deri në 28 orë.
Ky portal ka publikuar pamje dërguara nga një lexues nga Zhupa e Dubrovackës, si dhe një video që tregon radhë të gjata automjetesh në Çilipi. Sipas informacioneve jozyrtare nga terreni, pritja në kufirin me Malin e Zi thuhet se arrin deri në 28 orë. Vendasit po u japin ujë udhëtarëve në kolona dhe po i lejojnë të hyjnë në shtëpitë e tyre, në mënyrë që të mund të përdorin tualetin.
Sipas HAK-ut, pritja është deri në 10 orë, çka nënkupton se edhe pretendimi i lexuesit mund të jetë i mundur.
