Deputeti i LDK-së, Avdullah Hoti, ka thënë se është duke i përcjellë qëndrimet e zyrtarëve të Vetëvendosjes gjatë seancës konstituive dhe deklaratat e tyre të sotme.

Hoti ka deklaruar se partia e tij ka treguar vullnet për të ndihmuar në krijimin e institucioneve, por sipas tij, kjo nuk mund të arrihet përmes presionit për zgjedhje të jashtëzakonshme nga Vetëvendosja.

“Po i përcjell qëndrimet politike të djeshme dhe të sotme të zyrtarëve të LVV-së. Sigurisht se LDK-ja ka vullnet të ndihmojë në themelimin e institucioneve. Por kjo duhet dhe mund të bëhet vetëm duke treguar gatishmëri për kompromis. Duke shantazhuar me zgjedhje të jashtëzakonshme nuk arrihet asgjë. Përkundrazi”, ka shkruar Hoti në “Facebook”.