Lojtari ishte një vit larg përfundimit të kontratës së tij të mëparshme, por tani është i lidhur me klubin deri në vitin 2032.

Real Madridi njoftoi se ka rinovuar kontratën e Vinicius Junior deri në vitin 2032. Pas takimit vendimtar midis klubit dhe përfaqësuesve të lojtarit këtë të mërkurë, të dy palët i dhanë fund një prej sagave më të mëdha të kësaj vere: braziliani ishte gati të hynte në vitin e fundit të kontratës së tij, por skuadra e Jose Mourinhos e rinovoi atë për gjashtë sezone të tjera, shkruan Abola.

Përpara se të rinovonte kontratën e tij, Vinicius mund të negocionte me klube të tjera duke filluar nga janari i vitit të ardhshëm, dhe në këtë kuptim, u raportua interesi i Arsenalit për lojtarin.

Megjithatë, pas kthimit nga pushimet, negociatat për rinovimin midis Vinit dhe Real Madridit filluan dhe u zhvilluan natyrshëm, derisa arritën një marrëveshje përfundimtare.

“Real Madridi dhe Vinicius Jr. kanë arritur një marrëveshje për të zgjatur kontratën e lojtarit tonë, i cili tani do të jetë i lidhur me klubin deri më 30 qershor 2032”, thuhet në komunikatën zyrtare të klubit.