Deputeti i PDK-së, Artan Behrami, ka reaguar lidhur me vazhdimin e seancës konstituive të Kuvendit, duke bërë të ditur se deputetët ende nuk kanë marrë ftesë për vazhdimin e saj.

Behrami ka konfirmuar se deri më tani nuk kanë pranuar asnjë ftesë, ndonëse në orën 11:00 bëhen 48 orë nga përfundimi i seancës së fundit.

“Kurti, përmes Deharit dhe Haxhiut, po e shkel sërish Kushtetutën, pa i lëvizur qerpiku, pa iu skuqur fytyra. Do me na marrë në qafë ky kriminel”, ka shkruar Behrami në “Facebook”.