Komandanti i KFOR-it, Ozkan Ulutash ka takuar ushtruesen e detyrës së shefes së Zyrës së Bashkimit Evropian në Kosovë, Eva Palatova.

Misioni i NATO-s në Kosovë ka njoftuar për takimin përmes një njoftimi në “Facebook”.

“Takimi ofroi një mundësi për të diskutuar situatën e sigurisë në të gjithë Kosovën dhe për të rritur koordinimin. Komandanti i KFOR-it shprehu vlerësimin e tij për bashkëpunimin e vazhdueshëm midis KFOR-it dhe Zyrës së BE-së në Kosovë”, është thënë në njoftimin e KFOR-it.