Beshiktashi mund të ndahet nga Milot Rashica, nëse klubi turk transferon edhe një tjetër lojtar të krahut të djathtë.

Sipas medieve turke, drejtuesit e Beshiktashit janë të kënaqur me Vaclav Cernyn dhe, nëse sigurojnë një tjetër futbollist për këtë pozitë, Rashica mund të bëhet i padëshiruar në skuadër.

Futbollisti i Kosovës ka edhe një vit kontratë me klubin turk, ndërsa deri tani ka regjistruar 13 gola dhe 25 asistime në 119 paraqitje për Beshiktashin.