Top-ndeshje do të zhvillohen në fazën e Ligës së Kampionëve. Shorti për fazën e ligës, që është faza kryesore dhe zëvendëson atë grupore, është tërhequr në Monako. Në fazën e ligës do të paraqiten 36 skuadrat më të mira evropiane. Secila prej tyre i luan nga tetë ndeshje në fazën e ligës.

Për short, skuadrat ishin të ndara në katër vazo të ndryshme. Dhe secili ekip ka nga dy kundërshtarë prej secilës vazo. Fituesi në fuqi i Ligës së Kampionëve, PSG-j do të luajë në shtëpi me Barcelonën dhe në udhëtim me Manchester City.

Kundërshtarë tjerë të Parisit janë Roma, Aston Villa, Galatasaray, Villarreali, Slovan Bratislava dhe Como. Ndërsa kampioni i Gjermanisë, Bayerni do të luajë me Arsenalin, Atletico Madridin, Real Betisin, Manchester Unitedin, Bodo/Glimtin, Lillen, Slavia Pragën dhe Vikingun.

Kurse Real Madridi do të luajë kundër Interit,  Arsenalit, PSV-së, Romës, Leipzigut, Shakhtarit, LASK-ut dhe AEK-ut. Kundërshtarë të Barcelonës janë Manchester City, Parisi, Aston Villa, Sportingu, Feyenoordi, Galatasaray, Como dhe Sabahu.

Pos me Real Madridin dhe Bayernin, Arsenali do të luajë me Dortmundin, Real Betisin, Lillen, Napolin, Sabahun dhe Slavia Pragën.

Ndeshjet e para të fazës së ligës janë më 8 shtator. Pas tetë xhirove avancojnë plot 24 skuadra. Tetë të parat në tabelë shkojnë direkt në një të tetën e finales. Ndërkohë skuadrat prej vendit të nëntë deri në vendin e 24-t avancojnë nga faza e ligës në “play-off”-in e fazës nokaut.