Më 12 shtator, në sheshin “Skënderbeu” në Prishtinë, do të organizohet marshi për çlirimtarët.

Përfaqësuesit e platformës “Liria ka Emër”, Ismail Tasholli dhe Eliza Hoxha, kanë bërë të ditura detajet lidhur me organizimin e transportit për qytetarët nga e gjithë Kosova.

Sipas tyre, në çdo komunë do të ketë linja të transportit, ndërsa koha dhe vendi do të bëhen të ditura me kohë.

Ndërkohë, Tasholli ka deklaruar se marshi i 12 shtatorit do të jetë më i madhi që ka parë ndonjëherë Kosova.

“Do të jetë marshi më i madh që ka parë ndonjëherë Kosova. Prandaj ftesa jonë është për të gjithë ju”, ka deklaruar ai në një konferencë për medie.