Uran Ismaili, ka reaguar pas “Marshit për Liri” të mbajtur në Prishtinë, duke thënë se mijëra qytetarë nga e gjithë Kosova u bënë bashkë në mbështetje të luftës çlirimtare dhe ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi.

Ismaili ka deklaruar se lidhja e qytetarëve me historinë dhe figurat që e kanë shënuar atë është e gjallë dhe më e fortë se kurrë.

“Me 16 shtator, Kosova feston!”, ka përfunduar ai.

Postimi i plotë:

Prishtina u bë vendtakim i mijëra qytetarëve nga e gjithë Kosova në “Marshin për Liri”, ndërsa Kosova e dha mesazhin e qartë te solidaritetit me luftën çlirimtare, dhe me Hashim Thaçin, Kadri Veselin, Jakup Krasniqin dhe Rexhep Selimin.

Lidhja jonë me historinë tonë, dhe me njerëzit që e kanë shënuar atë është e gjallë dhe më e fortë se kurrë.

Me 16 shtator, Kosova feston!