Presidenti i Shteteve të Bashkuara, Donald Trump, ka deklaruar se lufta në Ukrainë ka goditur rëndë industrinë ruse të naftës dhe karburanteve.

Sipas Trumpit, sulmet e Ukrainës ndaj rafinerive ruse kanë shkaktuar dëme të mëdha, duke bërë që një pjesë e tyre të mbetet përkohësisht jashtë funksionit.

“Një numër i madh i rafinerive të tyre të naftës janë hedhur në erë dhe të paktën përkohësisht, janë jashtë funksionit”, ka shkruar Trump në platformën e tij, Truth Social.

Ai ka thënë se Rusia ka “humbur kontrollin” mbi industrinë e saj të naftës, ndërsa luftën në Ukrainë e ka përshkruar si “absurde dhe të pafundme”.

Trump ka bërë thirrje që lufta të përfundojë.