Mërgata shqiptare në Bavari po mobilizohet në mbështetje të protestës së thirrur nga platforma “LIRIA KA EMËR”, duke shprehur solidaritetin e saj me zhvillimet në Kosovë.

Veprimtari Shqiptar Gubetini, ka bërë të ditur përmes një statusi në rrjetet sociale se mërgata shqiptare në Bavari po bashkohet rreth thirrjes për protestë.

“BAVARIA NË KËMBË PËR LIRINË!”, është mesazhi me të cilin Gubetini e ka shoqëruar njoftimin, duke theksuar se, pavarësisht largësisë nga Kosova, lidhja e mërgimtarëve me vendlindjen mbetet e fortë.