Një protestë pritet të mbahet të premten në Bonn të Gjermanisë, në kundërshtim me aktgjykimin e shkallës së parë ndaj krerëve të UÇK-së nga Dhomat e Specializuara të Kosovës në Hagë.

Lajmin e ka bërë të ditur platforma “Liria ka Emër”, e cila ka njoftuar se protesta do të nisë në orën 19:00 dhe do të mbahet me moton “Jo në emrin tim”.

“Nesër Bonn, Gjermani – bashkë! Drejtësi për çlirimtarët!”, është thënë në njoftimin e platformës.

Protesta është pjesë e aktiviteteve dhe reagimeve të organizuara nga qytetarë dhe grupe të ndryshme në diasporë lidhur me proceset gjyqësore në Dhomat e Specializuara.