Kancelari gjerman, Friedrich Merz, ka deklaruar se Bashkimi Evropian duhet të zgjerohet, duke theksuar se Ballkani Perëndimor dhe Evropa po afrohen gjithnjë e më shumë me njëri-tjetrin.

Përmes një postimi në rrjetin social X, Merz ka vlerësuar se Mali i Zi është në rrugën e duhur drejt anëtarësimit në Bashkimin Evropian, ndërsa ka shtuar se edhe vendet e tjera të rajonit duhet dhe do ta ndjekin këtë rrugë.

Postimi i plotë në rrjetin “X”:

BE-ja duhet të zgjerohet nëse dëshiron të afirmojë sovranitetin e saj dhe të perceptohet si një fuqi globale. Ballkani Perëndimor dhe Evropa po afrohen gjithnjë e më shumë me njëri-tjetrin.

Mali i Zi është në rrugën e duhur për t’iu bashkuar BE-së; të tjerët duhet ta ndjekin dhe do ta ndjekin këtë shembull.