22 policë të rënë në krye të detyrës nderohen me turnir sportiv

04 nëntor 16:51

Sot në Pejë Sindikata e Policisë së Kosovës ka hapur turneun tradicional të lojërave sportive i cili organizohet në shenjë nderimi dhe përkujtimi të zyrtarëve policorë të renë në kryerje të detyrës.

Në ketë event sportiv të organizuar nga Sindikata e Policisë së Kosovës morën pjesë përfaqësues nga sindikatat e vendeve mike nga rajoni dhe më gjerë, përfaqësues nga Komuna e Pejës, familjarë të policëve të rënë në kryerje të detyrës dhe menaxhmenti policorë nga niveli qendror dhe ai lokal.

Sindikata e PK-së në shenjë falënderimi ndau mirënjohje për përfaqësuesit e Sindikatave nga Shqipëria, Mali i Zi, Maqedonia e Veriut, Kroacia dhe përfaqësuesit nga Kuvendi Komunal i Pejës.

Po ashtu, Sindikata e PK-së ndau një mirënjohje të veçantë për Këshillin Evropian të Sindikatave Policore (CESP) të cilët përmes zëvendës sekretarit të tyre, kishin adresuar një letër falënderimi për sindikatën e PK-së.

Gjatë këtij eventi sportiv, Sindikatës së Policisë së Kosovës, nga zëvendës sekretari i përgjithshëm i Këshillit Evropian të Sindikatave Policore (CESP), Marian Kicev, iu kumtua lajmi pozitiv se Sindikatës së PK-së u është pranuar kandidatura në anëtarësim të CESPA-së.

Mund të jetë një imazh i 2 persona, njerëz në këmbë dhe bar

Mund të jetë një imazh i 6 persona, njerëz në këmbë dhe bar

Mund të jetë një imazh i 3 persona dhe njerëz në këmbë

Mund të jetë një imazh i 10 persona dhe njerëz në këmbë

Lajme të sponsorizuara

Të fundit
Skuadra e Prishtinës ndeshjen e radhës në Albi Mall Superligën…