Prapashtica: Ndaj Gjilanit synojmë fitore

04 nëntor 16:49

Skuadra e Prishtinës ndeshjen e radhës në Albi Mall Superligën e Kosovës në futboll e zhvillon ndaj SC Gjilanit të shtunën (5 nëntor) me fillim nga ora 18:00, sfidë e cila zhvillohet në stadiumin “Fadil Vokrri” në Prishtinë.

Ky duel i takon xhiros së 15-të. Prishtina vjen në këtë takim bas barazimit të arritur xhiron e kaluar ndaj Trepçës ’89 (2:2). Në ndeshjen e parë të zhvilluar në stadiumin me bari sintetik në Gjilan, FC Prishtina dhe SC Gjilani barazuan me shifrat 1:1.

Mesfushori Albin Prapashtica beson se “bardhekaltërit” kësaj radhe do të korrin fitore, teksa flet para ndeshjes për faqen zyrtare të klubit.

𝑷𝒆̈𝒓𝒃𝒂𝒍𝒍𝒋𝒆 𝒆 𝒗𝒆̈𝒔𝒉𝒕𝒊𝒓𝒆̈ – Ndeshja kundër Gjilanit do të jetë mjaft e vështirë, mirëpo ne do t’i qasemi lojës me seriozitet maksimal duke e ditur rëndësinë e ndeshjes pasi që nuk duhet që ta humbim hapin për kreun e tabelës. Kundërshtari e ka një ekip solid, mirëpo edhe në këtë takim do të futemi vetëm për fitore.

𝑷𝒓𝒊𝒔𝒉𝒕𝒊𝒏𝒂 𝒇𝒖𝒏𝒌𝒔𝒊𝒐𝒏𝒐𝒏 𝒆 𝒃𝒂𝒔𝒉𝒌𝒖𝒂𝒓 – Prishtina funksionin si grup dhe jemi të bashkuar në çdo sfidë dhe kjo është një ndër gjërat kryesore që e bënë ekipin e fuqishëm. Atmosfera para ndeshjes është shumë e mirë.

𝑴𝒐𝒕𝒊𝒗𝒊𝒎𝒊 𝒏𝒈𝒂 “𝑷𝒍𝒊𝒔𝒂𝒕” – Prezenca e tifozëve “Plisa” në stadium na jep motiv shtesë. Ne i cilësojmë si “lojtarin” e 12-të në fushë. Me përkrahjen e tyre, fitorja do të arrihet më lehtë.

Lajme të sponsorizuara

Të fundit
Shoqata Sindikale e Punëtorëve Shëndetësor të QKUK-së, i ka dërguar…