Agjencia e Menaxhimit Emergjent në hapje të Javës së aktiviteteve ka ekspozuar pajisjet e zjarrfikësve, ekipit të barrierave dhe ekipit për shuarjen e zjarreve malore nga toka.

Drejtori i AME-së, Genc Metaj, ka thënë se qëllimi i tyre është që të ndikojnë në vetëdijesim dhe që të jenë afër qytetarëve. “Qëllimi ynë është edhe të promovojmë rolin dhe rëndësinë e Agjencisë së Menaxhimit Emergjent, të njësive profesionale të zjarrfikjes dhe shpëtimit, strukturave të mbrojtjes, shpëtimit dhe ndihmës si dhe masat që duhet të ndërmerren në rast të fatkeqësive, veçanërisht të fokusohemi në parandalimin e tyre”, është shprehur Metaj, raporton Ekonomia Online.

Në këtë aktivitet ishte i pranishëm edhe ministri në detyrë i Punëve të Brendshme, Xhelal Sveçla.

Agjencia e Menaxhimit Emergjent udhëheq dhe koordinon përpjekjeve shtetërore në parandalim, gatishmëri, reagim dhe rimëkëmbje në rastet e emergjencave.