Zëdhënësja e Partisë Socialdemokrate, Natyra Kuçi, mbrëmë në emisionin “Rubikon” në Klan Kosova ka deklaruar se ftesa e Albin Kurtit për takim drejtuar liderëve të PDK-së dhe LDK-së është përpjekje për ta delegjitimuar opozitën.

Sipas saj, takime të tilla janë përdorur edhe më herët për të krijuar përshtypjen e angazhimit për formimin e qeverisë, ndërkohë që opozita paraqitet si pengesë.

Kuçi tha se bllokimi institucional po ndodh pa arsye të forta, duke përmendur çështjen e Albulena Haxhiut si shkak i pakuptimtë nga të dyja palët.