Dhjetë shpërthime janë dëgjuar pranë Aeroportit Ndërkombëtar të Srinagarit në pjesët Kashmirit e administruara nga India, thanë zyrtarët vendas.

Shpërthimet pasuan ndërprerjet e energjisë të shkaktuara nga disa predha, të cilat u panë në qiellin mbi qytetin e Jammu.

Shpërthime u dëgjuan gjithashtu në qytetin e shenjtë sik të Amritsarit, në shtetin fqinj Punjab, sipas Reuters.

Një zyrtar ushtarak indian i tha agjencisë se “dronë janë parë” dhe “ata po përdoren”.

Ngjarja e sotme vjen ndërsa tensionet midis Indisë dhe Pakistanit përtej vijës së kontrollit rreth rajonit të Kashmirit janë rritur këtë javë, duke çuar në frikën e një konflikti më të gjerë.

Të mërkurën në mëngjes, India kreu sulme me raketa në Pakistan dhe pjesë të administruara nga Pakistani të rajonit të diskutueshëm.