Interi po punon në prapaskenë për merkaton e verës, me fokus të veçantë në repartin ofensivë. Sipas “Corriere dello Sport”, në orët e fundit është rikthyer në skenë emri i Joshua Zirkzee, sulmuesit holandez që aktualisht luan për Manchester United.

Pas një sezoni të vështirë në Premier Ligë, Zirkzee është në kërkim të një rilindjeje dhe një rikthim në Serie A me fanellën zikaltër shihet si një mundësi ideale për të rigjetur formën e tij më të mirë.

Drejtori sportiv i Interit, Piero Ausilio, po punon për ta realizuar këtë operacion me formulën e huazimit me të drejtë blerjeje, që do t’i lejonte klubit të vlerësojë lojtarin gjatë gjithë sezonit të ardhshëm përpara se të marrë një vendim përfundimtar për blerjen e tij. Zirkzee u transferua te Manchester United për 40 milionë euro dhe aktualisht fiton 3.5 milionë euro në sezon plus bonuse.